الرئيسية
عــزوز الثلاثاء يوليو 28, 2009 8:14 pm
ياطير ياللي لابغيت السمـا طـرت
ماتستشير وتنفض الريش وتطيـر
تسقط على البي ام والرنج والفرت
وترف الجنحان وتواصـل السيـر
اليا بغيت الشرق والغرب ما احترت
لاواهنيـك تطـوي البيـد ياطيـر
بعطيك من عندي رساله لاحـدرت
رسالتةً مكتوبةً مـن حبـر غيـر
الحبر دمي والغـلا منـه عبـرت
ويلصق غراها من دموع النواظيـر
فيها حروف اربع ولا غيرها اخترت
كلمه تكفي عـن جميـع التعابيـر
للدره اللي فـي سواهـا ماناظـرت
واليا نظرت اشوف فالغير تقصيـر
ياطير مانـي عـاذرك لا تاخـرت
لوزدت بالتاخير مدري وش يصيـر
ارجع وخبرنـي بعلمـك لاسافـرت
يالله عساها بخير وتعيش في خيـر
عزالله اني فـي زمانـي تصبـرت
صبر العرب على غزو بوش وبلير
وعزالله اني فالاصاحيـب عـذرت
ماغير اطالع لسما وارجـي الطيـر
2 مشترك
يــاطــيـــر
عــزوز- عـضـو جـديـد
- تاريخ التسجيل : 28/07/2009
king of love- الـمــديــر الــعام
- تاريخ الميلاد : 11/02/1988
تاريخ التسجيل : 22/07/2009
العمر : 36
الموقع : كوكب زحل ثاني اشارة يمين
بصراحة روعة ونتمنى المزيد اخوي عـزوز